"Kasım" günü sayılêr gagauzların 3 en büük milli hem maanalı yortularından biri. O bakılêr Kasım ayın 8-dä.
   Eveldän sayılarmış ani Kasım günündän başlaarmış kış. Bu gündän çorbacılar çobandan koyunnarı ayırêrlar hem getirerlär onnarı evä. Evel sa koyunnarı yazlıklardan kışlara geçirärdilär, çobannarlan esapları kapadardılar. Ozaman çobanın istediinä görä onunnan, ekinnän ya boodaylan, ya papşoylan yada ikisinnän bilä ödeşärdilär. Bundan sora çobannarlan enidän annaşarmışlar, da Hederlezdä koyun sürülerini onnara verirmişlär. Şindi da bu adet bozulmadı. Kimin var koyunu o genä onnarı Hederlezdä verer, Kasımda da evä alêr.
   Bütün üürektän kutlêêrız hepsi Gagauziyanın yaşayannarını bu gözäl halk yortusunnan! Adêêrız hepsinä saalık, kısmet, topramıza da zengin bereket!